Cghito di sbutei kapong...

"Habih doh ngaji?" soale paling keghek oghe kapong dok tanya. Lamo bena doh ko aku dok ngaji skolohnyo? Hmmm..
"Eh, dok lagi..."
"Ado baghapo taung lagi?"
"Stahung stengoh lagi doh..."
"Ooo, tok lamo doh tuh. Pah tu khijo oh?"
"Tahu la. Khijo kalih." Aku senyung.

Habih sbabok. Maghi hok lain pulok. Gitu la sokmo-sokmo gak kalu aku kelik kapong. Hari tu, duo tigo haghi aku nak maghi UKM, lepah asar, aku gi tubek deghak ppade meta, nok tengok oghe maing bola. Aku lalu kok blake ghumoh aku tu, ado jale kot tepi umoh bughuk. Bo aku tubek jjale semin, aku napok soghe mok cik tu dok nyako tanah. Aku baik jugok la ngn mok cik ni. Akupun tegur dia, yo la oghe kapong ke, cekak nak wak sombong...dohla aku ni kecik lagi...kena benno la sikik ko oghe tuo.

"Wak ggapo mok nik?" Aku tanyo. Padahal aku napok doh dia tu dok tebokok-bokok dok nyakul.
"Eh, wak jale ni." Dia dok cako tangga bowoh pohong kkabu naik ko jale semin. Aku senyung jah la.
Bo aku jjale lepah cikit jah pade dia tu, dia panggei aku smula, "eh, si, maghi smeta nok ghoyak."
"Ho, ghoyak ah..." aku gi dekat dio.
"Maghi ngaji ghumoh mok nik deh, ghabu ni. Buleh?"
"Bilo?" Aku tanya, mugo aku dekat dah nak gi UKM doh ni, takot tok dei.
"Ghabu ni la, esok luso."
"Ghabu dekat ni?" peseng aku doh bghehi banyok tanyo.
"Ho la. Bulih ke dok? Ayoh skali."
"Kito buleh. Ayoh tok tahu la, keno gi tanya dia sdighi la..."

Wat pendek ko cghito, akupun stujula. Akupun nok gi la pade, mugo niat aku nok gi pade, ke...? Bo aku stat ayun lakoh tu, tembong la pulok ngan nnatu mok cik tu sakni. Dia dengar ghuponyo aku dok kecek ngan tok tuo dia.

"Buleh ngaji?" dio tanyo aku, tok ccayo. Aku sengih.
"Buleh," aku jawab. Dia kelih ko muko aku.
"Sgoti eh, buleh ngaji?" dia tanya skali lagi. Bekali dia tok cayo tengok ko muko aku, sghebeng nga ghambot panje tok gguting, budok lagi pulok tu.
"Bakpo? Tok cayo ko?" aku tanyo dio balik.
"Eh, cayo, tengok muko pun cayo doh," dia jawab cepat-cepat, cover malu aa tu. Dia kelih ko tok ttuo dia, mencari kepastian, bahasa surat kato. Mok cik tu anggok-anggok, susik-susik bisik gapo ko dia, aku tok dengar doh. Aku wat bodo ah jale hala ko pade.

Ha, baghu dia tahu. Ingat oghe ghambut panje supo aku ni xpanda ngaji Qur'e ko. Dia tok kenal aku mugo dio tok dok kapung aku, dio dok llain.

Pahtu, esokke tu puloknyo,...uh, skak tu la dulu..sambong smula-smula la pulok. Panje lagi cghito nih kalu ikut eghe gak.

maah la, ejo'e tok tepat lah mano.

=> dalam setiap denyut nadi, ada sebuah kerinduan.

p/s: kina faham tak? Hehik...